Información de contacto
Breve CV
A miña formación como Deseñadora/Comunicadora Gráfica comezou na Escola Superior de Artes e Deseño «Ramón Falcón» de Lugo onde me graduei como Técnico Superior en Deseño Gráfico, e posteriormente licencieime en Publicidade e Relacións Públicas na Universidade de Vigo. Despois de máis de10 anos de experiencia traballando en diferentes axencias de publicidade e estudos de deseño de Galicia, no ano 2014 establézome como profesional independente creando o meu propio estudo de deseño e ilustración en Nigrán, desde o cal traballo para Institucións, Empresas e tamén como Freelance para Axencias de Publicidade, Deseño e Comunicación. A miña especialidade é o deseño gráfico e editorial, aínda que cun perfil multidisciplinar, abarcando proxectos moi diferentes de carácter institucional e publicitario ata outros como o deseño e a ilustración de discos e libros… Ademais, tamén teño a miña propia marca de produtos ilustrados (Camisetas, Cerámicas e Prints) que comercializo en diferentes puntos de venda físicos a nivel nacional. Como profesional a día de hoxe gústame definirme como unha artesá que traballa en dixital, que ama e goza da súa profesión.